ماذا لو لم تتأهل مصر لكأس العالم

ماذا لو لم يتأهل منتخب مصر إلى كأس العالم
أنا عارفة إن العنوان ممكن يكون قاسي شوية
وكمان أنا مش من نوع الناس المتشائم
وقبل ما أبدأ أي كلام ....
أنا عارفة إن اللعيبة بتاعتنا رجالة ويقدروا يفوزوا على الجزائر بفارق 4 و5 أهداف
وعارفة كمان إنهم هيبذلوا كل ماعندهم علشان يفوزوا ويسعدوا 85 مليون مواطن
وعارفة برضه إن القدر والحظ ممكن يلعب يوم 14 نوفمبر مع الجزائر
ودي هتبقى الصدمة الكبيرة للناس اللي متأكدة من إن إحنا هنفوز ونتأهل ...
علشان كده حبيت أسأل إيه اللي ممكن يحصل لو الجزائر هي اللي اتأهلت *لا قدر الله*
شايفة الحماسة عند الناس زيادة جدا
على الرغم من إن المهمة اللي على اللاعبين صعبة جدا جدا
أنا مش مضايقة من كده
بس خايفة على الناس دي من الصدمة لو *لاقدر الله* ما إتهلناش للمونديال
يا ترى ممكن يكون إيه رد فعل الجمهور على اللاعبين بعد المباراة
طبعا هينقلب السحر على الساحر وتبقى اللاعيبة ولاد كذا وكذا كالعادي لما بيخسروا
أو يقولوا إن اللاعيبة دي عيال ماقدروش يحققوا حلمنا وهو التأهل للمونديال
أو على الأقل هيكرهوا الكورة وماعدوش يحلموا تاني
بس ده أكيد مش صح لإن ده ماتش كورة مش أكتر
أكيد حلمي وحلم كل مصري إن مصر تتأهل ...
ونشوفها في جنوب أفريقيا 2010
بس يا ريت *لو لاقدر الله*خسرنا نتقبل الأمر كشيء متوقع
ونحيي اللاعبين بعد المباراة في إستاد الرعب
والكلام ده مش محبط ومتشائم بس هو تحذير مش أكتر
وآخر كلامي .... يـــــــــــــــ رب ــــــــــــــــا نتأهل
ونشوف أبو تريكة وأصحابه في جنوب أفريقيا 2010
وقول مصر قول شجعها

اعولها و النبي

لا انشاء الله مفيش صدمه
و انشاء الله هنكسب فى السودان

مصر فى قلوبنا ولاعبيها برضو فى قلوبنا
ومهما حصل فيبقى كسبنا شرف المحاولة
الماتش الى فات كان فى ظلم جامد
ومع ذلك ربنا ميرضاش بالظلم وجبنا جول فى اخر دقيقة
مصر بأذن الله هتفوز وهترفع راسنا لفوق
ميرسى ليكى يا سموما على الموضوع الجميل